सरकारले एडीबीको  ऋण लिन सम्झौतामा हस्ताक्षर गरेको छ

सरकारले एसियाली विकास बैंक (एडिबी)सँग करिब २१ अर्ब रुपैयाँ सहुलियतपूर्ण ऋण र करिब ७० करोड रुपैयाँ अनुदान दिने सम्झौता गरेको छ ।

‘शहरी लचिलोपन र जीविकोपार्जन सुधार परियोजना’ कार्यान्वयनका लागि अर्थसचिव कृष्णहरि पुस्कर र नेपालस्थित एडीबीका देशीय निर्देशक अर्नाउड काचोइसले बुधबार अर्थ मन्त्रालयमा सम्झौतापत्रमा हस्ताक्षर गरेका हुन् ।

पोखरा महानगरपालिका, जनकपुरधाम उपमहानगरपालिका, लुम्बिनी साँस्कृतिक नगरपालिका, देवदह नगरपालिका, सैनामैना नगरपालिका, सिद्धार्थनगर नगरपालिका र तिलोत्तमा नगरपालिकामा आयोजना लागु हुनेछ । हस्ताक्षर समारोहपछि अर्थ सचिव पुस्करले स्थानीय तहले आयोजना सम्पन्न गर्नाले वित्त र समग्र इकोसिस्टममा सकारात्मक प्रभाव पर्ने बताए ।

यसले महिला र सीमान्तकृत समुदायको सामाजिक आर्थिक स्थितिमा पनि योगदान पुर्‍याउँछ र इन्टर्नशिप, सीप र स्थानीय कलालाई बढावा दिन मद्दत गर्दछ। त्यसैगरी आयोजनाले सम्बन्धित नगरपालिकाको पूर्वाधार विकास, पर्यटन पुनरुत्थान र सुधारका लागि लाभदायी हुने अपेक्षा गरेको कन्ट्री डाइरेक्टर काउचोइसले बताए । आर्थिक गतिविधिहरू पनि फस्टाउने अपेक्षा गरिएको छ, जसले गर्दा राजस्व वृद्धि, डिजिटल रूपान्तरण र क्षमता निर्माणमा योगदान हुनेछ।